Ertaga Coca Cola Superligasida 7-tur uchrashuvlari start oladi. Turning qiziqarli uchrashuvlaridan biri Qo‘qonda kechadi. Unda mahalliy “Qo‘qon-1912” jamoasi Muborakning “Mash’al” klubiga qarshi bahs olib boradi.
Mezbonlar ushbu uchrashuvda oq rangdagi sport liboslarida harakat qilishsa, “gazchilar” ko‘k-qora rangli formada maydonga tushadi. Ma’lumot uchun, ushbu bellashuv soat 19:00 da Qo‘qondagi “Markaziy” stadionda bo‘lib o‘tadi.