Xabaringiz bor, bugungi kunda mamlakatimizda karantin qoidalari amal qilmoqda. Ushbu qoidalarga to‘liq rioya qilgan holda O‘zbekiston professional futbol ligasining barcha bo‘limlari o‘z faoliyatini masofadan turib davom ettirishmoqda.
Mutaxassislar uy sharoitida rahbariyat tomonidan belgilangan vazifalar bo‘yicha ish olib borishyapti. Shuningdek, onlayn videomuloqot orqali amalga oshirilayotgan ishlar muhokama qilinyapti.
O‘zbekiston professional futbol ligasi barcha hamyurtlarimizni karantin qoidalariga qat’iy rioya qilishga chaqirib qoladi.
