18 yoshlilar chempionatida bitta uchrashuv o‘tkazildi. 16-tur doirasidagi ko‘chirilgan o‘yinda “Yangier” o‘z maydonida “Aral Samali”ni qabul qildi va yirik hisobda g‘alaba qozondi. Kechagi “Dinamo” ustidan g‘alaba, bugungi yutuq... jamoa turnir jadvalida besh pog‘ona ko‘tarilishga erishdi. Ayni paytda “Yangier” 15 uchrashuvdan 30 ochko to‘plagan holda uchinchi o‘rinni band etib turibdi. Ikkinchi o‘rinda shuncha ochko yig‘a olgan “Paxtakor” bormoqda. Biroq yosh “sherlar” ikkita o‘yin kam o‘tkazgan. Turnir jadvalini esa 15ta uchrashuvdan 38 ochko to‘plagan “Neftchi” boshqarmoqda.
U-18 Chempionati.
16-turning ko‘chirilgan o‘yini. 14 sentyabr, seshanba
YaNGIER – ARAL SAMALI – 6:0 (1:0)
Yangier. “Yangier” FK qarorgohi maydoni.
Hakamlar: Doston Rahmonov, Gulshoda Saitqulova, Alisher Rahimqulov
Nazoratchi: Baxtiyor Yulcharaev
Komissar: Xurshid Yo‘ldoshev
Gollar: Elchin Alloberdiev (15), Asliddin Ismoilov (66), Abdulxay Abduvaliev (76), Mirxayit Xoldorov (79, 81), Bekjon Jo‘raboev (90+1)
Ogohlantirishlar: Abdulxay Abduvaliev (61), Mirxayit Xoldorov (70), Asliddin Ismoilov (74) - Doniyor Soliev (72)
Chetlatishlar: Mirxayit Xoldorov (90+4, ikkinchi sariq) – Shuhrat Jaksibaev (70).