Ayollar Oliy ligasi 5-turidan o‘rin olgan “Andijanka”– “Bunyodkor-W” uchrashuvi “Andijanka” jamoasi a’zolarida koronavirus aniqlangani uchun boshqa muddatga qoldirildi. Avvalroq, shunday sabab tufayli “Andijanka”ning 4-turdagi “Paxtakor-W”ga qarshi uchrashuvi ham qoldirilgan edi.
Eslatib o‘tamiz, O‘zPFL qoshida shifokorlardan tuzilgan maxsus komissiya talabiga ko‘ra, ayollar Oliy va Birinchi liga jamoalari ham Ig G va PZR testlari topshirishi haqida xabar bergan edik. Shunday test jarayonida qatnashayotgan “Andijanka” klubining bir necha a’zolarida koronavirus infektsiyasi aniqlangan. Shu bois, klub a’zolari extiyot chorasi sifatida izolyatsiyaga olingan.
