23 iyun kuni Coca Cola O‘zbekiston kubogi saralashining birinchi bosqich uchrashuvlari bo‘lib o‘tadi. Mazkur bahslarning boshlanish vaqtlari ma’lum bo‘ldi.
Coca Cola O‘zbekiston kubogi. Saralash birinchi bosqichi
23 iyun, seshanba
17:30 OQTEPA — ZOMIN
17:30 NEFTChI — XORAZM
17:30 TURON — ShO‘RTAN
17:30 ISTIQLOL — DINAMO
Jamoalar karantindan so‘ng mashg‘ulot o‘tkazish uchun kam vaqtga ega bo‘lganliklari bois, ularga engillik berish maqsadida saralash bahslarida 90 daqiqa ichida g‘olib aniqlanmasa, to‘g‘ridan to‘g‘ri penaltilar seriyasiga murojaat etiladi.
Ma’lumot uchun, ushbu bosqichda Pro liganing barcha 8 jamoasi ishtirok etadi. Ikkinchi bosqichga yo‘l olgan to‘rt jamoa yana ikki juftlik hosil qiladi. Saralashning ikkinchi bosqich bellashuvlariga ham qur’a tashlanadi.
G‘oliblar Coca Cola Superliganing 14 klubiga qo‘shilib, kubokning guruh bosqichiga yo‘llanma oladi. Eslatib o‘tamiz, Coca Cola O‘zbekiston kubogi finali Namangan shahrida bo‘lib o‘tadi.
