Bugun, 13 noyabr kuni Olmaliq shahrida ayollar o`rtasida O`zPFL Kubogining 5-7-o`rinlar uchun bahslari yakuniga etdi. Oxirga o`yin “Buxoro-W” va “AGMK-W2” jamoalari o`rtasida bo`lib o`tdi. Uchrashuvning 46-daqiqasida Zebiniso G`anieva tomonidan kiritilgan yagona gol buxoroliklarning g`alabasini ta`minladi. Shunday qilib, “Surxon-W” jamoasi 5-o`rinni, “Buxoro-W” jamoasi 6-o`rinni va “AGMK-W2” jamoasi 7-o`rinni egalladi.
Ertaga musobaqaning bosh sovrini uchun kurashlar davom ettiriladi. Unda “Andijanka”, “Navbahor” va “Dinamo-W” jamoalari ishtirok etadi. “Sho`rtan-Lady” klubi iqtisodiy muammolar tufayli musobaqaga etib kela olmasligini ma`lum qildi. Ertaga “Andijanka” va “Navbahor-W” jamoalari o`zaro kuch sinashishadi. Mag`lub bo`lgan jamoa 15 noyabr kuni “Dinamo-W” jamoasiga qarshi maydonga tushadi.
Ayollar futboli bo`yicha O`zPFL Liga kubogi
13 noyabr, chorshanba
BUXORO-W– “AGMK-W2” 1:0
Olmaliq. OKMK sport majumasi. 15 tomoshabin
Hakamlar: Kristina Borisova, Aleksandra Konchikova, Darya Snetkova
Nazoratchi: N. Ro`zimov
Komissar: Oybek Yunusov
Gol: Zebiniso G`anieva, 46 (1:0)
Ogohlantirish: Sohiba Seitmirova, 46 – yo`q.
