U19 Chempionati. Pley-off bahslari 11-17-noyabr sanalarida Toshkent shahrida bo‘lib o‘tadi

O‘zbekiston U19 Chempionatida mavsumning birinchi qismi yakunlandi. Unga ko‘ra, o‘z mintaqasida kuchli to‘rtlikdan o‘rin olishga erishgan 8 ta klub musobaqaning pley-off bosqichiga yo‘llanma oldi.  

Superliga va Proliga reglamentining 6.7-bandida U19 chempionatining mintaqaviy bosqichi yakuniga ko‘ra, jamoalar egallagan o‘rnidan kelib chiqib qaysi raqiblarga duch kelishi xususida so‘z boradi. Mazkur bandga binoan jamoalarning pley-off to‘ridagi joylashuvlari belgilab chiqildi.  

11-noyabr sanasidan start oladigan mamlakatimiz futboli istiqbollarining kurash maydoni sifatida Jar stadionining zaxira maydoni tanlab olindi. 17-noyabrda o‘tkaziladigan final bellashuvi Jar stadionining asosiy maydonida o‘tkaziladi.