Superliga legionerlari terma jamoalarda

FIFA kunlari doirasida Superliga jamoalarida to‘p tepuvchi legionerlar o‘z terma jamoalari safida maydonga tushdi.

Vladimir Yovovich (So‘g‘diyona) Chernogoriya terma jamoasi safida Millatlar ligasi doirasida Turkiya hamda Uelsga qarshi bahslarni asosiy tarkibda boshladi.

Shuningdek, Valeriy Kichin (Lokomotiv) Qirg‘iz Respublikasi tarkibida JCH-2026 saralash bosqichi doirasida Qatarga qarshi bellashuvda jamoasining yagona goliga hammualliflik qildi. Dinamo hujumchisi Joel Kojo esa KXDR bilan uchrashuvda o‘z nomiga assist yozdirib qo‘ydi.

Manuchexr Safarov (Neftchi), Shahrom Samiyev (Andijon), Daler Sharipov (Metallurg) hamda Zoir Jo‘raboyev (Neftchi) Tojikiston termasi tarkibida Tailandda o‘tgan Qirol kubogida Suriya va Filippinga qarshi bahs olib bordi.