Sergey Lushchan: Final – mavsumning eng muhim bahsi

Ertaga Navbahor hamda Andijon jamoalari o‘rtasidagi O‘zbekiston kubogining final uchrashuvi bo‘lib o‘tadi. Bugun mazkur bellashuv oldidan har ikki jamoa a’zolari ishtirokida matbuot anjumani bo‘lib o‘tdi. Uning ikkinchi qismida Navbahor klubi bosh murabbiyi Sergey Lushchan hamda jamoa yetakchisi Siavash Haqnazari ishtirok etdi.

Nima deyishim mumkin? Barchamiz oʻyinni intizorlik bilan kutyapmiz. Bu final. Finalga yetarlicha tayyorgarlik koʻrdik va gʻalaba qozonishni xohlaymiz. Tayyorgarlik jarayoniga toʻxtaladigan boʻlsam, barchasi Kubok finaliga qaratilgan. Oldimizda bitta maqsad bor: u ham boʻlsa Kubok! Katta hajmdagi ishni bajarishdi. Buning uchun yigitlarga rahmat. Oʻyinga yaxshi tayyorgarlik koʻrdik. Gʻalaba uchun barcha ishni qilamiz. Ertaga bizga muxlislik qiladigan va muxlislik qilmaydigan barcha ajoyib oʻyin guvohi boʻlishadi. Kubokni yutish har bir futbolchining orzusi. Bunga yoshligidan boshlab harakat qiladi, intiladi, mehnat qiladi. Bu koʻp yillik mehnatning samarasi boʻladi. Ertaga qanday boʻlishi faqat Yaratganga maʼlum. Gʻalaba qozonib muxlislarni xursand qilishni xohlaymiz.

Siz Nasaf bilan uchrashuvdan keyin 5-oktyabrdagi finalni kutib yashayapman degandingiz. Bugungi holatdagi jamoaning va oʻzingizning kayfiyatingiz, finalga tayyorgarlik qanday?

Albatta, chempionat oʻyini bilan Kubok finalini bir xil deb boʻlmaydi. Biz bu oʻyinga boshqacha tayyorgarlik koʻrdik. U uchrashuvlar boshqa edi. Chempionat bilan Kubok oʻyinini solishtirib boʻlmaydi. Soʻgʻdiyona bilan uchrashuvdagi holat ertangi bahsda kuzatilmaydi. Butunlay boshqacha oʻyin namoyish etiladi. Barcha mashgʻulotlar jarayoni finalga qaratilgan. Ha, oʻz uyingda magʻlubiyaga uchrash alamli va yoqimsiz boʻladi. Albatta, biz burilish yasay olamiz. Har bir oʻyindan keyin tahlil qilib chiqamiz va qayerdadir qilingan xatoni toʻgʻrilashga harakat qilamiz. Bizda har jihatdan tajribali va mahoratli oʻyinchilar yetarli. Bu bellashuvning qadrini barcha tushunib turibdi. Birinchi xushtakdan oxirgi xushtakkacha bahs hayajon ostida oʻtadi. Asosiysi, uchrashuv boshlanishi bilan hamma oʻz ishini qilishi kerak. Har bir murabbiyning rejalari boʻladi.

Sardor Rashidovni finalda maydonga tushishi uchun kutilganidan ertaroq mashgʻulotlarga qoʻshilgani rostmi? U chindan ham oʻynaydimi?

Sardornimg maydonga tushishiga ishonaman. Oldindan biror narsa deyishim qiyin. Rashidov oʻynashni juda ham xohlayapti. Bu oʻyin uchun u kuniga 2-3 mahaldan mashgʻulot olib bordi. Ertaga hammasini oʻzinglar koʻrib olasizlar. Hozircha shuni ayta olamanki, u boshlangʻich tarkibda boʻlmaydi.

Navbahor ikkinchi davrada ochiq va hujumkor oʻyin koʻrsatmoqda. Finalda ham shunday oʻyin koʻramizmi?

Bu – final. Bunda ruhiyat katta rol oʻynaydi. Futbolchilarning ruhiyati muhim ahamiyat kasb etadi. Oʻz tajribamdan kelib chiqib aytadigan boʻlsam, bu katta masʼuliyat. Bunday uchrashuvda durang boʻlmaydi. Kim birinchi gol ursa oʻsha jamoa gʻalaba qozonishi mumkin. Avvalgi uchrashuvlarimizni koʻrgan boʻlsanglar, koʻp vaziyatlar yaratib, golga aylantira olmadik. Ertangi bahs esa butunlay boshqacha boʻladi. Raqiblar bir-birini juda yaxshi bilishadi. Biz ularni, ular esa bizni bilishadi. Tartibli oʻynashimiz kerak. Birinchi boʻlib hisobni ochsak raqib koʻproq oldinga intilishga majbur boʻladi. Hujumkor oʻyin koʻrsatsak yaxshiroq, albatta. Zich himoyani yorib oʻtish hamisha qiyin boʻlgan. Bu savolga 100 foiz javob bera olmayman. Hammasini oʻyin koʻrsatib beradi.  

Kim birinchi boʻlib hisobni ochsa, oʻsha jamoa gʻalaba qozonadi, deb oʻylaysizmi?

Boshqa murabbiy kabi oʻyinni tahlil qilib koʻraman. Bizni A, B, V, G, D rejalarimiz bor. Uchrashuv toʻliq tayyormiz. Oʻyinga 1000 foiz tayyormiz. Futbolchilar esa 2000 foizga tayyorlar. Oʻyinning oʻzi koʻrsatib beradi. Nimaiki qilish kerak boʻlsa, barchasini qildik. Qolgani biz ishongan futbolchilarga bogʻliq.

Ertangi Kubok finali murabbiylik faoliyatingizdagi eng muhim oʻyinmi?

Ayni damda shunday desam ham boʻladi. Agar 2014-yilda bu savol berilganida unda muhim uchrashuv sifatida boshqasini aytgan boʻlardim. 2015-yilda esa boshqasini aytardim. Kubok finali har bir ishtirokchisiga oʻziga xos tarzda esda qoladi va takrorlanmaydi. Hattoki, bu beshinchi final boʻlsa ham takrorlanmaydi va bunday oʻyinlar hayotingizda saqlanib qoladi. Bu uchrashuv men va mening oilam uchun ham muhim. Mening futbolchilarimga va atrofimdagilarga muhim. Bu mavsumning eng ahamiyatli oʻyini.

Ertangi finalda qaysi faktorlar sizga xalaqit berishi mumkin? Pozitsiyalar boʻyicha qoniqish hosil qilyapsizmi? Masalan, darvoza chizigʻidan?!

Bilasizmi, bu yerda faktorlar koʻp boʻlishi mumkin. Barchasini aytishning imkoniyati yoʻq. Jarohat, qizil kartochka, himoyadagi xatolar va boshqalar... Darvozabon pozitsiyasini gapirib oʻtdingiz, ha, xatolar boʻlib turadi. Bizda Oʻzbekiston Kubogini yutishga qodir boʻlgan futbolchilar yetarli. Agar men biror-bir oʻyinchimning xato qilishi haqida oʻylasam, bu kulguli holat. Muammo bor. Har qanday klubda muammo mavjud. Oʻyin qanday kechishiga qarab oʻzgartirishimiz mumkin. Hamma narsa boʻlishi mumkin. Dastlabki daqiqalardanoq jarohat yoki tezkor gol barchasini oʻzgartirib yuboradi. Biz hammasiga tayyormiz. Darvozabon haqidagi gapingiz esa provokatsion savol. Hamma xato qiladi va men bunday savollarga javob berishni istamayman.

Kubokni Namanganga olib ketish uchun qoʻlimizdan kelgan barcha ishni qilamiz. Bilamizki, bu uchrashuv nafaqat biz uchun, oilamiz va Namangan uchun ham qanchalik muhim ekanligini yaxshi his qilib turibmiz.

Andijon koʻproq ikkinchi raqam boʻlib oʻynaydi. Bunday zich himoyalanadigan raqiblarga qarshi oʻynash qanchalik ogʻir? Bu sizga va jamoangizga jiddiy muammo tugʻdirmaydimi?

Bu final. Bittagina oʻyindan iborat. Bu uchrashuvga har bir jamoani rejasi bor. Bizni ularga qarshi qanday oʻynash rejamiz bor va ularni ham rejasi bor. Barchasi oʻyin qanday davom etishiga bogʻliq.