Samarqanddagi tadbir sabab Qizilqum — Xorazm o‘yini qoldirildi

Superliga 4-turidan o‘rin olgan Qizilqum — Xorazm o‘yini 5-aprel sanasiga rejalashtirilgandi. Mazkur bellashuv Samarqand shahridagi tadbirlar sabab qoldirildi. 

3-5 aprel kunlari Samarqand Markaziy Osiyo — Yevropa ittifoqi rasmiy sammiti hamda “Markaziy Osiyo global iqlim tahdidlari qarshisida: umumiy farovonlik yo‘lida birdamlik” mavzusidagi xalqaro konferensiyaga mezbonlik qiladi. Shundan kelib chiqib, Superliga jamoalarining shaharga kirishi, harakatlanishi va futbol uchrashuvini tashkil etishda muammolar yuzaga kelishini oldini olish maqsadida Samarqand viloyati hokimligi Ligaga Superliga o‘yinini ko‘chirish taklifi bilan chiqdi.

Tabiiyki, bunday holat har ikki jamoa futbol muxlislarining o‘yinni bevosita stadiondan tomosha qilishida ham ayrim cheklovlarga sabab bo‘lishi mumkin. Buning oldini olish maqsadida Liga Samarqand viloyati hokimligining taklifini qabul qiladi. 

Endilikda Superliga 4-turidan o‘rin olgan Qizilqum — Xorazm o‘yini aprel-may oylaridagi taqvim, shuningdek, har ikki jamoa tarkibida milliy terma jamoalarga jalb etilishi mumkin bo‘lgan futbolchilar kamsonli ekanligidan kelib chiqib, FIFA kunlar vaqtida — 6-iyun kuni tashkil etiladi.