O‘zbekiston kubogi. Saralash bosqichida 16 ta jamoa ishtirok etadi

Avvalroq O‘zbekiston kubogining guruh bosqichiga qur’a tashlangan bo‘lib, har bir guruhning to‘rtinchi jamoasi saralash o‘yinlari orqali aniqlanishi aytilgandi. 

Saralashda 16 ta jamoa ishtirok etadi va ularning raqibi qur’a natijasidan so‘ng aniq bo‘ladi. Bunda barcha jamoa faqat 1 tadan uchrashuvda ishtirok etadi va g‘olib jamoa guruh bosqichiga yo‘l oladi. O‘yinlarning asosiy vaqti durang bilan yakunlansa, navbat qo‘shimcha taymlarsiz penaltilar seriyasiga beriladi. 

Mazkur bosqichda Birinchi liga jamoalari ishtirok etishidan kelib chiqib, barcha uchrashuvlar 1-4 aprel kunlari Toshkent shahrida o‘tkaziladi. Saralash bosqichiga qur’a 19-mart kuni soat 17:00 da tashlanadi. Jarayon Liga sahifalari orqali jonli namoyish etiladi.