O‘zbekiston kubogi. Navoiy FA va Sirdaryo FA guruh bosqichi yo‘llanmasiga ega chiqdi

Bugun Odil Ahmedov akademiyasi maydonida O‘zbekiston kubogining navbatdagi saralash bahslari bo‘lib o‘tdi. Dastlabki uchrashuvda Qoraqalpog‘iston FA hamda Navoiy FA jamoalari o‘zaro bahs olib bordi. Bellashuvning asosiy vaqtida 1:1 hisobi qayd etildi va g‘olib penaltilar seriyasida aniqlandi. Unga ko‘ra, seriyada aniq harakat qilgan Navoiy FA jamoasi 3:2 hisobida g‘alaba qozondi va guruh bosqichiga yo‘llanmaga ega chiqdi.

Lokomotiv-BFK hamda Sirdaryo futbol akademiyasi jamoalari o‘rtasidagi bellashuvning asosiy vaqti 0:0 hisobida yakunlandi va penaltilar seriyasida akademiya futbolchilari 4:1 hisobida zafar quchdi.