O‘zbekiston kubogi. Andijon va Navbahor finalda!

O‘zbekiston kubogida yarim final o‘yinlari bo‘lib o‘tdi. Paxtakor jamoasi o‘z maydonida Navbahorni qabul qildi.

Jar stadionida kechgan uchrashuvning asosiy va qo‘shimcha bo‘limlarida hisob ochilmadi va g‘olibni aniqlash uchun penaltilar seriyasiga murojaat etildi. Seriyada esa namanganliklar aniq harakat qilishdi va final yo‘llanmasiga ega chiqishdi.

Parallel tarzda kechgan Andijon – Surxon qarama-qarshiligida ham finalchi penaltilar seriyasi orqali aniqlandi va unda mezbonlar 5:4 hisobida g‘alaba qozondi.