Liga OAV vakillarini akkreditatsiyadan o‘tkazish jarayonini boshladi

2025-yilgi mavsumda Liga tomonidan o‘tkaziladigan musobaqalar uchun OAV vakillarini akkreditatsiyadan o‘tkazish jarayoni start oldi. 

Liga bayrog‘i ostida o‘tadigan rasmiy uchrashuvlarni bevosita stadiondan yoritib borish istagida bo‘lgan OAV Liga tomonidan o‘tkaziladigan tadbirlar va musobaqalarda ishlovchilar uchun media yo‘riqnoma bilan tanishib chiqib, zarur akkreditatsiya uchun ariza varaqasini to‘ldirishi va media@pfl.uz elektron manziliga yuborishi talab etiladi.

Akkreditatsiyadan o‘tish uchun hujjatlar 26-fevral sanasiga qadar qabul qilinadi.