Liga klublar matbuot xizmati vakillari uchun yangi mavsum oldidan seminar tashkil etdi

Liga yangi mavsum oldidan Superliga hamda Proliga klublari matbuot xizmati vakillari uchun seminar tashkil etdi. Unda futbol klublarining ommaviy axborot vositalari, ijtimoiy tarmoqlar va jamoatchilik bilan aloqalarini samarali boshqarish bo‘yicha mashg‘ulotlar va tajriba almashish imkoniyati yaratildi. 

Seminar davomida qatnashchilarga Reglament hamda Media yo‘riqnomadagi o‘zgarishlar haqida ma'lumot berildi. Shuningdek, o‘tgan mavsum davomidagi yutuq va kamchiliklar, bu borada yuzaga kelgan masalalar, ularning yechimi, klublar rasmiy saytlarining uzluksiz ishlashini ta’minlash hamda yangi mavsumdagi rejalar kelishib olindi.