Fevzi Davletov: O‘yinni to‘liq nazorat qildik

Superliga 26 turida Surxon jamoasi Olimpikni qabul qildi va 3:0 hisobidagi yirik g‘alabani qo‘lga kiritdi. Bellashuvdan so‘ng jamoa bosh murabbiyi Fevzi Davletov matbuot anjumanida ishtirok etdi.

O‘yin tomondan biz yaxshiroq ko‘rindik. Ko‘proq hujum qildik va bosim uyushtirdik. Yetarli imkoniyatlarni yaratib, o‘zimiz uchun qulay xolatda taymni tugatdik. Shuningdek, raqibning qizil kartochkasi ham bizga qo‘l keldi. Biz keyin butun o‘yinni boshqardik. Yigitlarni va ishqibozlarni yaxshi natija bilan tabriklayman.

Jamoani kerak bo‘lmagan ushbu bahsga tayyorlash oson bo‘lmadimi?

Biz Metallurg bilan uchrashuvda Paxtakorni quvib o‘tish imkoniyatidan ayrilgan edik. Yigitlarga so‘nggi o‘yinda harakat qilishlarini so‘ragan edik. Bu g‘alaba bizning kayfiyatimizga ta’sir qiladi.