Superliga. Farg‘ona derbisida Neftchi Qo‘qon-1912 ustidan g‘alaba qozondi

Superligada 17-tur bahslari davom ettirildi. Neftchi klubi bu turda Qo‘qon-1912 mehmoni bo‘ldi.

Farg‘ona derbisi odatdagidek kurashlarga boy bo‘ldi. Uchrashuv boshida Alisher Odilov hisobni ochdi. Qo‘qon-1912 jamoasi 83-daqiqada Shohruh Gadoyevning goli evaziga hisobni tenglashtirdi. Neftchi esa uchrashuv oxirida baribir g‘alaba golini urdi va uch ochkoga ega chiqdi. Neftchi safida g‘alaba goliga Yovan Jokich mualliflik qildi.

QO‘QON-1912 1:2 NEFTCHI