Do‘stlik, Ishtixon va Bog‘dodchi jamoalari rahbariyati Liga bilan bog‘lanishi so‘raladi

O‘FA o‘tgan yilning dekabr oyida Samarqand viloyatida bo‘lib o‘tgan Birinchi liga musobaqasiga yo‘llanma beruvchi respublika turnirida 7 ta jamoa ishtirok etgani va ulardan 3 tasi Birinchi liga yo‘llanmasiga ega chiqqani haqida ma’lumot berdi. 

Unda Samarqandning Do‘stlik va Ishtixon, Farg‘onaning Bog‘dodchi jamoalari sovrindor bo‘lgani qayd etilgan. Shundan kelib chiqib, mazkur jamoalar Liga talablariga javob bergan taqdirda ularning Birinchi liga musobaqasida ishtirok etishi so‘ralgan. 

Do‘stlik, Ishtixon hamda Bog‘dodchi jamoalari rahbariyati hududiy futbol assotsiatsiyasi vitse-prezidenti yordamida Ligaga aloqaga chiqishi hamda belgilangan muddatda Liga mutaxassislari bilan bevosita uchrashuvda ishtirok etishi so‘raladi. Bunda mazkur jamoalarning ta’sis hujjatlari, rahbar organi tayinlangani yoki saylanganiga oid hujjatlar taqdim etilishi lozim. 

Shuningdek, har bir jamoa o‘zining musobaqaga tayyorgarlik ko‘rishi va o‘z rasmiy uchrashuvlarini o‘tkazishi ko‘zda tutilgan stadion jamoa Liga talabiga javob bergan taqdirda alohida o‘rganiladi. Agar stadion Liganing minimal talablariga javob bersa, jamoa stadionga oid hujjatlarni ham ro‘yxatdan o‘tkazishi lozim bo‘ladi. 

Birinchi liga musobaqasida ishtirok etishga oid qolgan masalalar jamoa rahbariyati bilan o‘zaro muloqotda bevosita tushuntiriladi.