O‘zbekiston Superligasi 5-turida o‘z uyida Qizilqumni kichik hisobda mag‘lub etgan So‘g‘diyona klubi bosh murabbiyi Ivan Boshkovich g‘alaba haqida fikr bildirdi.
Bugun asosiy tarkibning 4 nafar futbolchisi – 3 nafar legioner va 1 nafar mahalliy o‘yinchilarimiz maydonga tusha olishmadi. Ammo, ularning o‘rniga tushirilgan yoshlarimiz bugun ishonchli o‘yin namoyish eta olishdi. Muhim g‘alaba va barchani tabriklayman.
O‘yinning oxirgi 20 daqiqasida himoyalanishga to‘g‘ri keldi. Shunday ko‘rsatma bergan edik. Shunday bo‘lsada, futbolchilar rejadagidek o‘ynashdi va raqibga gol urishga imkon bermadik. Oldinda dam olishga vaqtimiz yetarli. Keyin esa kubokda maydonga tushamiz.
