Qarshining “Nasaf” klubi bir necha kun avval o‘z logotipini o‘zgartirgandi. Endilikda klub Chempionlar ligasining yangi mavsumida mana shu logotipdan foydalanish uchun ruxsat oldi.
Bunda “Litsenziyalash reglamenti”ning 12.3-bandiga asosan “Nasaf” faqat logotip bo‘yicha o‘zgarish qilayotgani, klubning tashkiliy-huquqiy shakli yoki nomi o‘zgarmagani, mazkur o‘zgarish klubning futbolchi, murabbiy hamda xodimlari bilan mavjud shartnomalarga nisbatan ta’sir ko‘rsatmasligi masalasi OFK tomonidan ko‘rib chiqildi. Qit’a futbol konfederatsiyasiga taqdim etilgan hujjatlarni o‘rganib, “Nasaf”ga yangi logo ostida Chempionlar ligasida ishtirok etishga ruxsat berdi.
