ЎЗБЕКИСТОН ПРОФЕССИОНАЛ ФУТБОЛ ЛИГАСИ

Янгиликлар / ПФЛ

Марат Бикмаев иккинчи марта иккита учрашувга четлатилди

27.11.2018 21:37 | ПФЛ

PEPSIСуперлига 31-тур учрашувлари доирасидаги “Локомотив” – “Пахтакор” учрашуви вақтида “Локомотив” жамоаси футболчиси Марат Бикмаев томонидан одоб-аҳлоқ қоидаларига мос келмайдиган хатти-ҳаракат амалга оширилган эди.

Ўйинчи бутун ўзбек футболи жамоатчилиги диққат-марказида турган учрашув вақтида қўли билан хунук ҳаракат кўрсатди ва бу ҳолат ўйинни томоша қилаётган кўпсонли ишқибозлар томонидан салбий қабул қилинди.

Бугун Этика қўмитаси ушбу ҳолат юзасидан йиғилиш ўтказди ва юз берган ҳолатни атрофлича ўрганиб чиқди.

Қайд этиш жоизки, Суперлига 23-тур учрашувлари доирасидаги “Металлург” – “Локомотив” баҳси 90+4 дақиқасида ҳам “темирйўлчилар” жамоаси захира ўриндиғида ўтирган Марат Бикмаев ҳакамлар гуруҳи шаънига номаъқул сўзлар ишлатган эди. Натижада ўйинни бошқариб борган ҳакам – Владислав Цейтлин ушбу футболчини майдондан четлатиб, ёзма билдирги орқали Бикмаев аввалига захира ҳакамини, сўнгра бутун ҳакамлар гуруҳини ҳақорат қилганини маълум қилган ва натижада Бикмаев иккита расмий учрашувдан четлатилган эди.

Марат Бикмаевнинг “Пахтакор”га қарши ўйинда ҳам одоб-аҳлоқ қоидаларига мос келмайдиган хатти-ҳаракат амалга оширганини асло оқлаб бўлмайди. Зеро миллий терма жамоа аъзоси барчага ўрнак бўлиши лозим аслида. 

Этика қўмитаси ушбу вазиятни атрофлича ўрганиб чиққан ҳолда Мусобақалар регламентининг интизомий ва жарималар кодекси 3-бўлим, 5.45 бандининг “Г” қисмини қўпол равишда бузгани эътироф этилган Марат Бикмаевнинг 31-тур ўйини вақтида ва унгача бўлган 23-тур учрашуви пайтида ҳам одоб-аҳлоқ қоидаларидан четга чиққанини инобатга олиб, футболчини 2 та расмий ўйинга четлатди ва футболчига нисбатан 20 миллион сўм миқдорида жарима белгиланди.  

Жамоа Ў Т-Н О
1 Пахтакор 22 68-13 62
2 Локомотив 22 34-16 41
3 Бунёдкор 22 29-27 35
4 Сўғдиёна 22 23-25 35
5 Сурхон 22 23-26 32
6 Насаф 22 30-21 31
7 Навбаҳор 22 23-18 30
8 Металлург 22 25-25 27
9 АГМК 22 27-32 25
10 Андижон 22 20-31 23
11 Қизилқум 22 21-41 22
12 Қўқон-1912 22 27-40 21
13 Бухоро 22 15-34 19
14 Динамо 22 21-37 18

Тўпурарлар

Футболчи Гол
1 Драган Черан 22
2 Игорь Сергеев 12
3 Темурхўжа Абдухолиқов 11
4 Зафар Полвонов 11
5 Хумоюн Муртозаев 11
6 Александр Касьян 10
7 Хуршид Ғиёсов 10
8 Марат Бикмаев 8
9 Мурод Ҳолмуҳаммедов 7
10 Шаҳзод Убайдуллаев 7