ЎЗБЕКИСТОН ПРОФЕССИОНАЛ ФУТБОЛ ЛИГАСИ

Янгиликлар

“Навбаҳор” футбол клуби расман огоҳлантирилди

21.01.2019 18:06 | Суперлига

“Навбаҳор” футбол клубининг юксалишида вилоят ҳокими Хайрулла Ҳайитбоевичнинг хизмати анча катта. Шахсан унинг ташаббуси билан “Навбаҳор” стадионида катта ҳажмдаги реконструкция ишлари олиб борилмоқда. Клуб бош аренаси майсаси 2019 йил экваторида “Насаф” футбол клубиникидек кўриниш олиши йўлида ишлар давом этмоқда.

Вилоят ҳокимининг бу эътибори самараси ўлароқ “Навбаҳор” ўтган мавсум совриндорлар сафига қайтди. Келаси мавсумда жамоа чемпионлик учун асосий даъвогарлардан бири бўлиши кутиляпти.

Бироқ клубда фаолият олиб бораётган айрим раҳбарлар “Навбаҳор” футбол клубининг имиджига путур етказиши мумкин. Жамоанинг футзалчилар ва аёл футболчилар олдида қарзи бўлишига қарамай, асосий жамоа Қрим йиғинига жўнаб кетди. ПФЛ бу ҳақда клубни расман огоҳлантирганига қарамай, жамоа ўз билганича иш тутди.

“Навбаҳор” уч кун муддат ичида бу борада тушунтириш бериши талаб этилади. Йўқса, клубни катта миқдорда жарима кутади. ПФЛ мазкур жаримани ўз ҳақини ололмай юрган футзалчи ҳамда аёл футболчилар учун сарф этади.

Шунингдек, “Навбаҳор” қарзлар билан боғлиқ муаммони ҳал қилмагунига қадар бирорта ҳам футболчини ПФЛ рўйхатидан ўтказа олмайди. Реконструкция қилинаётган стадион клуб ривожи ва Наманган футболи тараққиёти йўлида хизмат қилишига шубҳа йўқ. Бироқ ишлар профессионал тарзда йўлга қўйилмагунига қадар, “Навбаҳор” кейинги операцияларини амалга ошира олмайди. 

Клуб, шунингдек, жамоа бош директори ҳақида ҳам расмий маълумот бериши ва унинг мақомини ПФЛ талаби бўйича белгилаб бериши талаб этилади. ПФЛ билан мулоқотга киришаётган клуб вакили ҳеч қандай мақомга эга бўлмагани ҳолатида унинг фикрлари инобатга олинмайди. Клубга ҳеч қандай алоқаси бўлмай туриб, унинг ишларига аралашаётган шахслар эса ЎФА томонидан дисквалификация қилинади. 

Жамоа Ў Т-Н О
1 Пахтакор 3 9-2 9
2 Насаф 3 7-3 9
3 Қўқон-1912 3 5-2 6
4 Локомотив 3 5-3 6
5 Бунёдкор 3 4-3 6
6 АГМК 3 4-2 5
7 Машъал 3 4-2 4
8 Навбаҳор 3 3-2 4
9 Металлург 3 3-5 4
10 Сурхон 3 4-6 3
11 Андижон 3 2-4 1
12 Қизилқум 3 3-6 1
13 Сўғдиёна 3 2-6 1
14 Бухоро 3 0-9 0

Тўпурарлар

Футболчи Гол
1 Драган Черан 4
2 Бобур Абдихолиқов 3
3 Игорь Сергеев 3
4 Мўминжон Мелиев 2
5 Шароф Муҳитдинов 2
6 Мурод Ҳолмуҳаммедов 2
7 Александр Касьян 2
8 Кирилл Погребняк 2
9 Элёр Орифов 1
10 Марат Бикмаев 1